ट्रयाक्टरमा ठोक्किँदा साइकल चालक महिला घाइते

केशव

चैत्र २१, २०८१

share this:

भरतपुर । भरतपुर महानगरपालिका वडा नं–१३, उजेलीनगरमा ट्रयाक्टरको पछाडि ठोक्किएर साइकल चालक महिला घाइते भएकी छन् ।

सीतामाईंको सडक बाटो निर्माणको लागि विराट बिल्डर्स इक्युपमेन्ट प्रालिको रोकिराखेको बागमती प्रदेश ०६–००१ त ००७५ नम्बरको ट्रयाक्टरको पछाडि ठोक्किएर भरतपुर–१३ बस्ने ४६ वर्षीया बसुन्धरा न्यौपाने घाइते भएकी हुन् ।

घाइते महिलाको नयाँ मेडिकल कलेज (सिएमसी), भरतपुरमा उपचार भइरहेको र उपचारमा घाइतेका छोरी विनिता न्यौपाने र कम्पनीमा कार्यरत पुरुषोत्तम न्यौपाने संलग्न रहेको इलाका प्रहरी कार्यालय, गीतानगरले जनाएको छ ।

प्रहरीका अनुसार ट्रयाक्टर नियन्त्रणमा रहेको छ भने ट्रयाक्टर चालक सम्पर्कविहीन छन् ।