मोटरसाइकल दुर्घटनामा चालकसहित दुई जना गम्भीर घाइते

चितवन । भरतपुर महानगरपालिका–४ त्रिचोकस्थित भित्री सडकखण्डमा मोटरसाइकल अनियन्त्रित भई पल्टिँदा दुई जना गम्भीर घाइते भएका छन् ।

सोमबार दिउँसो ३ः१५ बजेको समयमा पिपलचोकबाट त्रिचोकतर्फ आउँदै गरेको ना ५४ प ५८११ नम्बरको मोटरसाइकल अनियन्त्रित भई पल्टिएको प्रहरीले जनाएको छ ।

मोटरसाइकल दुर्घटना हुँदा चालक भरतपुर–७ नारायणपुर चोक बस्ने अन्दाजी ३५ वर्षीय मनोज तामाङ र पछाडि सवार भरतपुर–७ कृष्णपुर बस्ने २१ वर्षीय पुजन गुरूङ गम्भीर घाइते भएको जिल्ला प्रहरी कार्यालय चितवनका प्रवक्ता भेषराज रिजालले जानकारी दिए ।

उनका अनुसार चालक तामाङको चितवन मेडिकल कलेज र पछाडि सवार गुरूङको भरतपुर अस्पतालमा उपचार भइरहेको छ ।