दुई मोटरसाइकल एकापसमा ठोक्किँदा दुई जना घाइते

भरतपुर । भरतपुर महानगरपालिका वडा नं–२, मिलनरोडमा दुई मोटरसाइकल एकापसमा ठोक्किँदा दुई जना घाइते भएका छन् ।

बालकुमारी कलेजबाट पुतलीबजारतर्फ जाँदै गरेको बा ४३ प ९६९० नम्बरको मोटरसाइकल र पोखरा बसपार्कबाट शहीदचोकतर्फ आउँदै गरेको ना ३७ प ५७५७ नम्बरको मोटरसाइकल भरतपुर–२, मिलनरोडमा दुर्घटना भएको हो ।

दुर्घटनामा ना ३७ प ५७५७ नम्बरको मोटरसाइकलपछाडि सवार माडी–५ घर भई हाल भरतपुर–१० स्थित डेरागरी बस्ने ३८ वर्षीय कुलदीप महतो र बा४३ प ९६९० नम्बरको मोटरसाइकलपछाडि सवार भरतपुर–१६ बस्ने ३१ वर्षीय उपेन्द्र पौडेल घाइते भएका हुन् ।

दुवै घाइतेको नयाँ मेडिकल कलेज (सिएमसी) भरतपुरमा उपचार भइरहेको र दुवै मोटरसाइकलसहित चालकहरुलाई नियन्त्रणमा लिइएको प्रहरीले जनाएको छ ।