पोल्ट्री फर्ममा काम गर्ने एक महिलाको लडेर मृत्यु

भरतपुर । भरतपुर महानगरपालिका वडा नं–१५, देवीचोकस्थित उमाकान्त आचार्यको पोल्ट्री फर्ममा काम गर्ने एक कामदार महिलाको लडेर मृत्यु भएको छ ।

बाराको कोइली नगरपालिका वडा नं–११ घर भई हाल भरतपुर–१५ बस्ने ५० वर्षीया जमुनादेवी चौधरी बाथरुममा नुहाउनेक्रममा लडेर घाइते भई उपचारको लागि भरतपुर सरकारी अस्पताल लगिएकोमा डाक्टरले मृत घोषणा गरेका थिए ।

घटनाको थप अनुसन्धान कार्य भइरहेको जिल्ला प्रहरी कार्यालय चितवनले जनाएको छ ।