मोटरसाइकलको ठक्करबाट पैदलयात्री वृद्धा घाइते

खैरहनी । खैरहनी नगरपालिका वडा नं–९, बसौलीस्थित भित्री सडकखण्डमा मोटरसाइकलको ठक्करबाट पैदलयात्री वृद्धा घाइते भएकी छन् ।

प्रदेश ३–०२–००९ प ८४६४ नम्बरको मोटरसाइकलको ठक्करबाट खैरहनी–९ बस्ने ७५ वर्षीया जेनी थरुनी घाइते भएकी हुन् ।

घाइते वृद्धाको पुरानो मेडिकल कलेज (सिएमएस), भरतपुरमा उपचारपश्चात् थप उपचारका लागि नयाँ मेडिकल कलेज (सिएमसी), भरतपुरमा रिफर गरी उपचार भइरहेको र मोटरसाइकल चालक नुवाकोटको लिखु गाउँपालिका वडा नं–७ बस्ने ४१ वर्षीये विष्णुबाबु श्रेष्ठ उपचारमा संलग्न रहेको प्रहरीले जनाएको छ ।