कुकुरले बाटो काट्दा स्कुटर चालक घाइते

भरतपुर । भरतपुर महानगरपालिका वडा नं–३, शहीद चोकस्थित गुरूङ खाजा घरअगाडि कुकुरले बाटो काट्दा स्कुटर अनियन्त्रित भई दुर्घटना हुँदा चालक युवक घाइते भएका छन् ।

बेलचोकबाट शहीदचोकतर्फ आउनेक्रममा कुकुरले बाटो काट्दा बागमती प्रदेश ०६००४ प ३५४८ नम्बरको स्कुटर चालक तनहुँको भिमाद नगरपालिका वडा नं–२ घर भई हाल नवलपुरको गैँडाकोट–२ बस्ने २३ वर्षीय शालिकराम तिमल्सिना घाइते भएका हुन् ।

घाइते युवकको भरतपुर सरकारी अस्पतालमा उपचार भइरहेको प्रहरीले जनाएको छ ।