जङ्गली च्याउ खाँदा लामा गाउँका पाँच बिरामी

भरतपुर । भरतपुर महानगरपालिका वडा नं–२९, लामा गाउँमा जङ्गली च्याउ खाँदा एकै परिवारका चारसहित पाँच जना बिरामी परेका छन् ।

भरतपुर–२९ बस्ने ८२ वर्षीया पुन्टी गुरूङ, निजका छोरा ४० वर्षीय धनबहादुर गुरूङ, बुहारी मनमाया गुरूङ, नातिनी ४ वर्षीया आरिया गुरूङ र छिमेकी ४५ वर्षीया सानुमाया परियार बिरामी परेका हुन् ।

उनीहरुको भरतपुर सरकारी असप्तालमा उपचार भइरहेको र उपचारमा पुन्टी गुरूङकी छोरी टंकमाया गुरूङ संलग्न रहेको प्रहरीले जनाएको छ ।