टिप्पर पहाडको भित्तामा ठोक्किँदा चालक घाइते

भरतपुर । भरतपुर महानगरपालिका वडा नं–२९, गाईघाटस्थित मुग्लिन–नारायणगढ सडक खण्डमा टिप्पर अनियन्त्रित भई पहाडको भित्तामा ठोक्किँदा चालक घाइते भएका छन् ।

नारायणगढबाट मुग्लिनतर्फ जाँदै गरेको बागमती प्रदेश ०३–००१ क २१५ नम्बरको टिप्पर पहाडको भित्तामा ठोक्किएर चालक मकवानपुर–८ बस्ने २३ वर्षीय सुमन थिङको दाहिने हात र खुट्टा च्यापिएको अवस्थामा प्रहरीले उद्धार गरेको थियो ।

चालकको नयाँ मेडिकल कलेज (सिएमसी), भरतपुरमा उपचार भइरहेको र क्षतिग्रस्त टिप्पर हटाउन पहल भइरहेको प्रहरी चौकी, जुगेडीले जनाएको छ ।