दुई ट्रक एकआपसमा ठक्कर खाँदा दुई जनाको मृत्यु, एक गम्भीर

भरतपुर । भरतपुर महानरपालिका वडा नं–१, भतेरी जंगलस्थित शुक्रबार बिहान ६ः१० बजेको समयमा नारायणगढ मुग्लिन सडकखण्डमा कन्टेनर र भारतीय ट्रक एकापसमा ठक्कर खाँदा दुई जनाको मृत्यु भएको छ भने एक गम्भीर घाइते भएका छन् ।

नारायणगढबाट मुग्लिनतर्फ जाँदै गरेको ना ६ ख ५९९६ नम्बरको कन्टेनर र विपरीत दिशाबाट आउँदै गरेको डिडि–०१ एल ९१६१ नम्बरको भारतीय ट्रक एकापसमा ठोक्किएको थियो ।

दुर्घटनामा गम्भीर घाइते भएका भारतीय ट्रक चालक भारत उत्तर प्रदेश बस्ने २४ वर्षीय हेहताव आलम र ना ६ ख ५९९६ नम्बरको कन्टेनर चालक पर्सा वीरगञ्ज महानगरपालिका वडा नं–२४ बस्ने वर्ष ४० वर्षीय प्रमोद पटेलको उपचारका लागि भरतपुर अस्पताल लगिएकोमा बिहान ७ः२० बजे डाक्टरले मृत घोषणा गरेका थिए ।

यस्तै, भारतीय ट्रकका सहचालक भारतको गोरखपुर बस्ने २२ वर्षीय सावन अहमदको नयाँ मेडिकल कलेजमा उपचार भइरहेको अवस्था गम्भीर घाइते भएका छन् । दुर्घटनाको विषयमा अनुसन्धान भइरहेको प्रहरीले जनाएको छ ।