दुईतले घरबाट खसेका युवकको उपचारका क्रममा मृत्यु

भरतपुर । भरतपुर महानगरपालिका वडा नं–११ मा एक युवकको दुईतले घरमाथि ट्रस्टको काम गर्नेक्रममा लडेर घाइते भई उपचारको क्रममा मृत्यु भएको छ ।

पाल्पाको निस्दी गाउँपालिका वडा नं–५ घर भई हाल भरतपुर–५, दुर्गा चोक डेरागरी बस्ने २० वर्षीय होमबहादुर सारुमगरको भरतपुर–११ स्थित प्रकाश फ्याउलीमगरको दुईतले घरमाथि ट्रस्टको काम गर्ने क्रममा लडेर गम्भीर घाइते भई भरतपुर अस्पतालमा उपचारका क्रममा शुक्रबार बेलुकी ७ः०० बजे मृत्यु भएको हो ।

उपचारमा संलग्न ठेकेदार र घरधनीले मृतक सारुमगरको घरपरिवारलाई घटनाबारे जानकारी गराएको र थप अनुसन्धान प्रक्रिया अगाडि बढाइएको प्रहरीले जनाएको छ ।