रुखबाट लडेर घाइते पुरुषको उपचारका क्रममा मृत्यु

कालिका । कालिका नगरपालिका वडा नं–७ स्थित कालिका जंगलमा घाँस काट्न जानेक्रममा रुखबाट लडेर गम्भीर घाइते भएका एक पुरुषको उपचारका क्रममा मृत्यु भएको छ ।

यही माघ ६ गते दिउँसो १ः०० बजे टाटरीको रुखबाट लडी ढाड र दुवै खुट्टामा चोट लागेका कालिका–७ बस्ने ५७ वर्षीय माइला थापाको भरतपुर अस्पतालमा उपचार भइरहेकोमा सोमबार बिहान ८ः०० बजे मृत्यु भएको प्रहरीले जनाएको छ ।