कारमा ठोक्किएर स्कुटर चालक युवक घाइते

केशव

चैत्र २२, २०८१

share this:

भरतपुर । भरतपुर महानगरपालिका वडा नं २, क्षेत्रपुर सनसिटी होटलअगाडि कारमा स्कुटर ठक्कर खाइ दुर्घटना हुँदा स्कुटर चालक युवक घाइते भएका छन् ।

लायन्स चोकबाट रामेश्वर मन्दिरतर्फ जाँदै गरेको बागमती प्रदेश ०१–०३० च १७६८ नम्बरको कारमा विपरीत दिशाबाट आउँदै गरेको बागमती प्रदेश ०३–०४ प ५८९३ नम्बरको स्कुटर अनियन्त्रित भई कारको बायाँ साइडमा ठोक्किँदा स्कुटर चालक भरतपुर–११ बस्ने २३ वर्षीय विवेक गिरी घाइते भएका हुन् ।

घाइते युवकको भरतपुर सरकारी अस्पतालमा उपचार भइरहेको र कार तथा चालक भरतपुर–२ बस्ने ४७ वर्षीय राजन पिया नियन्त्रणमा रहेको प्रहरीले जनाएको छ ।