कारको ठक्करबाट मोटरसाइकलमा सवार युवती घाइते

भरतपुर । भरतपुर महानगरपालिका वडा नं–१, मेनरोडमा कारको ठक्करबाट मोटरसाइकलमा सवार युवती घाइते भएकी छन् ।

पुल चोकबाट पोखरा बसपार्कतर्फ जाँदै गरेको बा १३ च २४८७ नम्बरको कारले मिलनरोडबाट नारायणी किनारतर्फ जाँदै गरेको लु ९२ प ५७२८ नम्बरको मोटरसाइकललाई ठक्कर दिँदा मोटरसाइकलपछाडि सवार भरतपुर–१० बस्ने २१ वर्षीया विमला सुनार घाइते भएकी हुन् ।

घाइते युवतीको नयाँ मेडिकल कलेज (सिएमसी), भरतपुरमा उपचार भइरहेको छ भने उपचारमा मोटरसाइकल चालक २० वर्षीय दीपरञ्जन साह र कार चालक भरतपुर–१ बस्ने २७ वर्षीय किशनकुमार गुप्ता संलग्न रहेका छन् ।

मोटरसाइकल र कार वडा प्रहरी कार्यालय, नारायणगढको नियन्त्रणमा रहेको प्रहरीले जनाएको छ