मोटरसाइकलले साइकललाई ठक्कर दिँदा दुई घाइते

राप्ती । राप्ती नगरपालिका वडा नं–५, भण्डारा चोकस्थित पूर्व–पश्चिम राजमार्गमा मोटरसाइकलले साइकलयात्री वृद्धलाई ठक्कर दिँदा दुई जना घाइते भएका छन् ।

डडुवाबाट वीरेन्द्रनगरतर्फ जाँदै गरेको बा ८४ प ११७८ नम्बरको मोटरसाइकलले सडक क्रस गर्न लागेका साइकलयात्रीलाई ठक्कर दिँदा दुर्घटना भएको हो । दुर्घटनामा साइकलयात्री राप्ती–६ बस्ने ८० वर्षीय रामेश्वरकुमार चौधरी र मोटरसाइकल चालक सर्लाहीको बागमती नगरपालिका वडा नं–१० बस्ने १९ वर्षीय सन्दीप अधिकारी घाइते भएका हुन् ।

दुवै घाइतेको पुरानो मेडिकल कलेज (सिएमएस), भरतपुरमा उपचार भइरहेको प्रहरीले जनाएको छ ।