पैदलयात्री महिलालाई ठक्कर दिई मोटरसाइकल फरार

कालिका । कालिका नगरपालिका वडा नं–७, सगुन टोलस्थित भित्री सडकखण्डमा नम्बर नखुलेको मोटरसाइकलको ठक्करबाट पैदलयात्री महिला गम्भीर घाइते भएकी छन् ।

जुटपानीबाट भरतपुरतर्फ जाँदै गरेको नम्बर नखुलेको मोटरसाइकलको ठक्करबाट पैदलयात्री कालिका–७ बस्ने ५० वर्षीया सुनमाया गुरूङ गम्भीर घाइते भएकी हुन् ।

घाइते महिलाको पुरानो मेडिकल कलेज (सिएमएस), भरतपुरमा उपचार भइरहेको र उपचारमा निजका छोरी संलग्न रहेकी छन् । ठक्कर दिने मोटरसाइकल फरार रहेकाले खोज तलास कार्य भइरहेको प्रहरी चौकी, जुटपानीले जनाएको छ ।