स्कुटर दुर्घटनामा युवक घाइते

भरतपुर । भरतपुर महानगरपालिका वडा नं–१४, लाहुरे चोकमा स्कुटर अनियन्त्रित भई पल्टिँदा एक युवक गम्भीर घाइते भएका छन् ।

शिवनगरबाट पार्वतीपुरतर्फ जाँदै गरेको बागमती प्रदेश ०६–००४ प ५४८७ नम्बरको स्कुटर दुर्घटनामा चालक भरतपुर–३, आनन्दमार्ग बस्ने १७ वर्षीय आदित्य गुप्ता गम्भीर घाइते भएका हुन् ।

घाइते युवकको नयाँ मेडिकल कलेज (सिएमसी)मा उपचार भइरहेको र स्कुटर नियन्त्रणमा लिइएको प्रहरीले जनाएको छ ।