कारको ठक्करबाट पैदलयात्री युवकको मृत्यु

भरतपुर । भरतपुर महानगरपालिका वडा नं–४, सापकोटा चोकमा कारको ठक्करबाट पैदलयात्रीको मृत्यु भएको छ ।

बागमती प्रदेश ०६–००१ च ०३४९ नम्बरको कारले पैदलयात्री पर्साको सकुहवा प्रसौनी गाउँपालिका वडा नं–२ बस्ने २५ वर्षीय लालबाबु पासवानको मृत्यु भएको हो ।

दुर्घटनामा गम्भीर घाइते भएका पासवानलाई उपचारको लागि भरतपुर सरकारी अस्पताल पठाइएकोमा सोमबार बिहान ५ः४७ बजे डाक्टरले चेकजाँच गरी मृत घोषणा गरेका थिए । कार र चालकलाई नियन्त्रणमा लिइएको प्रहरीले जनाएको छ ।