भरतपुरमा अज्ञात समूहद्वारा स्मल हेभन स्कुलको बस आगजनी

भरतपुर महानगरपालिका–२०, दद्रेनीमा सडकमा गुडिरहेको बसमा अज्ञात समूहले आगजनी गरेको छ । स्मल हेभन इङ्लिस बोर्डिङ स्कुल कल्याणपुरको बागमती प्रदेश– ०६-००१ क ०४५ नम्बरको बसमा आगजनी गरिएको हो ।

मोटरसाइकलमा आएका ६ जनाको समुहले दद्रेनी पुलमा रोकी बसमा आगो लगाइ भागेको प्रहरीले जनाएको छ । प्रहरीका अनुसार ति समुहले बस भित्र रहेका विद्यार्थी र कर्मचारीलाई उर्तादै मोबाइल नियन्त्रण लिएर बसमा आगो लगाएका हुन् ।

भरतपुरबाट आएको दमकलले आगो नियन्त्रणमा लिएको छ । घटनाबारे अनुसन्धान सुरु गरिएको प्रहरीले जनाएको छ ।