ट्रक र पिकअप ठक्कर खाँदा चार घाइते

भरतपुर । भरतपुर महानगरपालिका वडा नं–१, रामनगरमा ट्रक र पिकअप भ्यान ठक्कर खाँदा पिकअप भ्यानमा सवार चार जना घाइते भएका छन् ।

भरतपुरबाट मुग्लिनतर्फ जाँदै गरेको ना ६ ख २८५८ नम्बरको ट्रक र विपरीत दिशाबाट आउँदै गरेको भरतपुर यातायात कार्यालयको बा १ झ ४४५२ नम्बरको पिकअप भ्यान एकापसमा ठक्कर खाई दुर्घटना हुँदा पिकअप भ्यान चालक सर्लाही हरिवन नगरपालिका वडा नं–६ बस्ने २७ वर्षीय सरोज उप्रेती, भरतपुर–११, बसेनी बस्ने ३१ वर्षीय सन्दीप श्रेष्ठ, हेटौँडा उपमहागरपालिका वडा नं १७ घर भई हाल भरतपुर–१२ बस्ने ४१ वर्षीय गोकुल अर्याल, हेटौँडा १७ घर भई हाल भरतपुर–१२ बस्ने २७ वर्षीय विनोद सुवेदी घाइते भएका छन् ।

घाइतेहरुको नयाँ मेडिकल कलेज, भरतपुरमा उपचार भइरहेको र चालकको अवस्थामा गम्भीर रहेको प्रहरीले जनाएको छ । दुवै सवारीसाधन घटनास्थलमै रहेको र ट्रक चालकलाई नियन्त्रणमा लिइएको प्रहरीले जनाएको छ ।