बालकुमारी कलेजको स्वागत तथा अभिमुखीकरण

भरतपुर । नारायणगढस्थित बालकुमारी कलेज विज्ञान संकायको आयोजनामा शनिबार भरतपुरमा स्वागत तथा अभिमुखीकरण कार्यक्रम सम्पन्न भएको छ ।

कार्यक्रममा बिएस्सी माइक्रोबायोलोजी र वातावरण विज्ञान संकाय प्रथम वर्षमा अध्ययनरत विद्यार्थीहरुलाई स्वागत तथा अभिमुखीकरण गरिएको हो ।

कलेज सञ्चालक समितिका अध्यक्ष प्रमोदकुमार श्रेष्ठको अध्यक्षतामा सम्पन्न कार्यक्रममा त्रिभुवन विश्वविद्यालय माइक्रोबायोलोजी केन्द्रीय विभागका प्रा.डा. अञ्जना सिंहको प्रमुख आतिथ्यता रहेको थियो । करिब ४० जना विद्यार्थीको सहभागिता रहेको कार्यक्रममा प्रमुखअतिथि प्रा.डा. सिंहले माइक्रोबायोलोजी र वातावरण विज्ञानको मह¤व र पढाइपछिको सम्भावनाको बारेमा जानकारी गराएका थिए ।

कार्यक्रममा कलेजका प्रिन्सिपल जगदीश्वर खनाल, सहायक प्रिन्सिपल बाबुराम पन्थीलगायतले बोलेका थिए । कार्यक्रम बालकुमारी कलेजका विज्ञान संकाय प्रमुख अनुपमुनि बज्राचार्यले सञ्चालन गरेका थिए ।

सो अवसरमा माइक्रोबायोलोजी विषयमा त्रिभुवन विश्वविद्यालयतर्फ दोस्रो बालकुमारी कलेज बिएस्सी चौथो वर्षमा अध्ययनरत अञ्जली उपाध्याय र सामुदायिक कलेज प्रथम बालकुमारी कलेज बिएस्सी तेस्रो वर्षमा अध्ययनरत बुलबुल श्रेष्ठलाई सम्मान गरिएको थियो ।