चितवनमा आधारभूत भलिबल प्रशिक्षक प्रशिक्षण

भरतपुर । चितवनमा आधारभूत भलिवल प्रशिक्षक प्रशिक्षण कार्यक्रम सम्पन्न भएको छ । चितवन जिल्ला खेलकुद विकास समितिको आयोजनामा पाँच दिनसम्म चलेको कार्यक्रम बुधबार सम्पन्न भएको हो ।

हिमालय दण्डपाणि न्यौपाने माविमा भएको प्रशिक्षक प्रशिक्षण कार्यक्रममा बागमती प्रदेशका १३ जिल्लाबाट ४५ जना भलिबल प्रशिक्षक सहभागी थिए । उनीहरुलाई राष्ट्रिय खेलकुद परिषद्का खेलविज्ञ शिवराज भट्ट र भलिबल प्रशिक्षक जगदीश भट्टले प्रशिक्षण दिएको जिल्ला खेलकुद विकास समितिका सदस्य शैलेश थापाले जानकारी दिए ।

सहभागीहरुलाई भलिबल प्रशिक्षकहरुका लागि निकै मह¤वपूर्ण विषयहरुबारे जानकारी दिइएको थापाले बताए । यस कार्यक्रमले भलिबल खेलको विकासमा मह¤वपूर्ण भूमिका खेल्ने चितवन जिल्ला खेलकुद विकास समितिका अध्यक्ष राजन कार्कीले बताए ।

कार्यक्रमका प्रमुखअतिथि सेन्ट्रल कलेजका प्रिन्सिपल यज्ञविलास पौडेलले कार्यक्रम फलदायी भएको बताए । उनले खेल, खेलाडी र प्रशिक्षकहरुलाई सहयोग तथा सहकार्यका लागि आफ्नो संस्था सधैँ तयार रहेको बताए ।

कार्यक्रममा हिमालय दण्डपाणि माविका कार्यवाहक प्रधानाध्यापक भानुभक्त सुवेदी, तालिम संयोजक रामहरि ढकाल, जिल्ला भलिबल संघका महासचिव रमेशचन्द्र विकलगायत सहभागी थिए ।