स्कुटर दुर्घटनामा दुई बालक गम्भीर घाइते

केशव

चैत्र २२, २०८१

share this:

कालिका । कालिका नगरपालिका वडा नं–९, शक्तिखोरस्थित भित्री सडकखण्डमा स्कुटर दुर्घटना हुँदा दुई जना गम्भीर घाइते भएका छन् ।

शक्तिखोरबाट भरतपुरतर्फ जाँदै गरेको लु ६४ प ७१५८ नम्बरको स्कुटर दुर्घटनामा चालक कालिका–९ बस्ने १६ वर्षीय जीवित रानामगर र स्कुटरपछाडि सवार सोही ठाउँ बस्ने १४ वर्षीय दीलिप मगर गम्भीर घाइते भएका हुन् ।

दुवै घाइतेको नयाँ मेडिकल कलेज (सिएमसी) भरतपुरमा उपचार भइरहेको र उपचारमा स्कुटर चालकका बुबा संलग्न रहेका छन् । स्कुटर प्रहरी चौकी जुटपानीको नियन्त्रणमा रहेको प्रहरीले जनाएको छ ।